తెలుగు తనంతో పెళ్ళి

ప్రవాసంలో తెలుగువారికి
ప్రతి ఫంక్షన్ లో తెలుగుతనంతో పెళ్ళి

ఇష్టపడి వచ్చే వారే వధూవరులు
కష్టపడి పనిచేసే సంఘం ట్రష్టీలే పెద్దలు

పబ్లిక్ స్కూళ్ళే పెంపుళ్ళే పెళ్ళి పందిర్లు
చుట్టూ కనిపించే చిరునవ్వులే తోరణాలు

మెంబర్ షిప్ పైకమే మంగళసూత్రం
కలిసి కలబోసి చెప్పుకొనే కబుర్లే కట్నం

అభిరుచులు కలిసి సర్వం మరిచే క్షణం
జీలకర్రా బెల్లం ముహూర్తం
తమకి తెలియని తమ ఊరి వ్యక్తి
తగిలి తలపింపచేసే తమ ఊరి చిత్రాలే తలంబ్రాలు

ఈ సామూహిక చిత్రం శోభాయమానం
పులకింతలు పెర్ మినిడే కొలమానం
అందుకొన్న అమెరికన్ డ్రీమ్ కి
శోభతెచ్చే అలంకారం తెలుగుతనం