“నాది బయోటెక్నాలజీ ఫీల్డ్. నేను ఇల్లు అమ్మించే ఏజెంట్ ని కాదు. మీరు ఏదో తప్పు అడ్రస్ కు ఫోన్ చేశారు.”
‘లేదు లేదు. మీ గురించి అంతా తెలిసే ఫోన్ చేశాను. కిడంబి రఘునాథ్ గారు చాల ఏళ్ళ క్రితం మిమ్మల్ని పరిచయం చేసినప్పుడు అభయ టెక్నాలజిస్ట్ అని పరిచయం చేశారు. నాకు బాగా గుర్తు. నేను ఉన్న పరిస్థితులలో మీవంటి వారి సహాయం చాల అవసరం. దయచేసి నేను చెప్పేది వినండి.’ అని మొదలు పెట్టి ఆయన వివరంగా విషయం చెప్పేరు.
పేరు ప్రభాకరం. న్యూయార్క్ మహానగరంలోని క్యూఎంస్ లో నివాసం. వయసు అరవై ఏళ్ళు. అమెరికా ప్రెసిడెంట్ జార్జి బుష్ అవకతవక ఆర్థిక రాజకీయ విధానాలవల్ల ఏర్పడిన ఆర్థిక సంక్షోభం ఫలితంగా ఆయన పనిచేసే కంపెని మూసేసారు. పెన్షన్ డబ్బు కూడా సగానికి సగం పడిపోయింది. పిల్లలు ఎదిగినవాళ్ళే. అయితే ఇంటి మురిపెం తీరిపోయింది. వచ్చే దబ్బుతో హాయిగానే బతకవచ్చు. అందుచేత ఆయనకున్న పెద్ద ఇల్లు అమ్ముదామని కొన్ని నెలలుగా ప్రయత్నిస్తున్నారు. రియల్ ఎస్టేట్ మార్కెట్ బాగా దిగజారడం వల్ల పరిస్థితులు బాగోలేదు. ఇటువంటి పరిస్థితులల్లో పూర్తి కాష్ పెట్టి కొనే మరో ఇండియన్ మార్కెట్లో ఉన్నాడుట. అతడు వాస్తు అంటే చాల పట్టింపు ఉన్నవాడు. ఐతే ఈ ఇల్లు 30 ఏళ్ళ క్రిందట కొన్న ఇల్లు. ఆరోజుల్లో వాస్తు విషయం ఆలోచించేవారు కాదు. కానీ ఈ రోజుల్లో ఈ HI వాళ్ళల్లో చాలమంది వాస్తు చూసే కొంటారు. ఆరోజుల్లో ఇండియా అమెరికా లా ఉంటే బాగుండునని అమెరికాలో ఇండియా ఉంటే బాగుండునని అనుకొన్నాం. కాని ఇలా వాస్తు వంటివి వస్తాయని ఏనాడూ అనుకోలేదుట. నేను ఏదో ఒకలా ఆ HI కుర్రాడిని వప్పించి ఈ ఇల్లు అమ్మించి పుణ్యం కట్టుకోవాలిట. ఇదీ ఫోను సారాంశం.
* * *
నడిమింటి నాగ సత్య శివ వీర వెంకట సుందర సీతారామ రంగనాథ సంపద శ్రీనివాస ప్రసాదు సదరు HI కుర్రాడు. ఇంటి పేరు పిలవలేక ఎవరికితోచినట్టు వారు పొట్టిపేరు పెట్టి పిలుస్తుంటారు. అది ఇతనికి అలవాటే. చాంతాడు ప్రసాదు, NNSSVVSSRRSS ప్రసాదు, లాంగ్న మే ప్రసాదు టెంపుల్ ప్రసాదు ఇలా చాల పేర్లతో చలామణి అయ్యే ప్రసాదు ప్రస్తుతం ‘వాస్తు ప్రసాదు’ అయ్యేడు. గత మూడు నెలలుగా ప్రతీ రోజు ఇల్లు చూడడం, వాస్తు బాగోలేదని మానెయ్యడం అతను చేస్తున్న పని. అతనికి మరోపని లేదు. అది నిజమే, ఎందుకంటే అతనికి ఉద్యోగం లేదు. బెంచి మీద ఉన్నాడు. ఇటువంటి ఆర్థిక సంక్షోభంలో ఉద్యోగాలున్న వాళ్ళకే ఇల్లు నిలబెట్టుకోవడం కష్టమయిపోతుంటే ఉద్యోగం లేకపోయినా ఆయన ఇల్లు కొనడం ఆశ్ఛర్యమే మరి.
వాస్తు ప్రసాదు చాల చాదస్తమున్న కుటుంబంలో పుట్టెడు. అతని పేరే దానికి ఉదాహరణ. సహజంగా సంక్రమించిన చాదస్తం ప్రసాదు వయసుతో పాటుగా పెరిగింది. స్కూల్ రోజుల్లో తోటి పిల్లలు అతని ఛాదస్తాన్ని చూసి వెక్కిరించడం వల్లో లేదా సహజంగా తల్లిదండ్రుల కంటే భిన్నంగా ఆలోచించాలన్న ఉద్దేశంతోనో, తల్లిదండ్రుల ఛాదస్తమంటే చికాకు, కోపం, అసహ్యం ఏర్పడి కాలేజి రోజుల్లో కమ్యూనిష్టుగా మారాడు. పట్టుదల ఉన్నవాడు. బాగా చదువుకున్నాడు. ఇండియా ఐఐటి మద్రాసులో, అమెరికా ఐఐటి (ఇల్లినాయి ఇన్ట్సిట్యూట్ ఆఫ్ టెక్నాలజీ, చికాగోలో డిగ్రీలు సంపాదించేడు. ముప్పయి ఏళ్ళ లోపే మంచి ఉద్యోగం కూడా వచ్చింది. పెళ్లి అయింది. ఉద్యోగంలో మంచి పేరు కూడా వచ్చింది. గ్రూప్ లీడర్ అయ్యాడు. గ్రూప్ బాగా పనిచెయ్యడం వల్ల ఇతనికి పని తగ్గింది. ఒకరోజు పెళ్ళాన్ని గుడిలో దింపి బయట ఎదురు చూస్తుంటే లోపలున్న బాబాగారు పిలుస్తున్నారని ఆ బాబా గారి భక్తులొకరు వచ్చి చెప్తే ఆశ్చర్యంలో ఆలోచించకుండా వెళ్ళిన కమ్యూనిస్ట్ ప్రసాదు కళ్ళు తెరిచి మూసేలోగా బాబా భక్తుడయిపోయాడు. ఆ తరవాత ఓ అమ్మ భక్తుడయిపోయాడు. వెఁటనే అమెరికాలో అతి పెద్ద ఛాదస్తపు సమాజానికి ముఖ్య కార్యకర్త అయిపోయాడు. కల్యాణానికి కక్కు ఏ విధంగా ఫలితమో, బాబా భక్తికి ఛాదస్తం ఫలితం కాబోలు. అదే జరిగింది. కమ్యూనిష్టు ప్రసాదు తన తల్లిదండ్రుల కంటె ఛాదస్తుడిగ తయారయ్యాడు.
స్వంతంగా ఆలోచించే వ్యక్తి అసలు స్వంత ఆలోచనే లేనివాడిలా తయారయ్యేడు. ప్రతీ పని చెయ్యడానికి ముందు ఆఫీసు పని కాగానే బాబాకి ఇంటికి సంబంధించిన పనులయితే అమ్మకి తెలియబరిచి వారు చెప్పినట్టు తు.చ. తప్పక నడుచుకునేవాడు. గ్రూపు లీడర్గా తానూ తీసుకోవలసిన నిర్ణయాలలో కూడా బాబాగారి సలహాలు తీసుకోవడం వల్ల ఆఫీసులో పనిలో ఇబ్బందులు వచ్చాయి. ఇతని మారిన పనితీరు ఆఫీసులో వారందరికీ తెలిసింది. ఉద్యోగంలో నుండి తీసివేసారు. ఇంతకాలం బాగా పనిచేసినందుకు కొంత కంపెనీ స్టాక్ ఇచ్చారు. అతను ఇంతకు ముందునుండి కొన్న ఆ కంపెనీ స్టాక్కి దీనిని జతచేసి ఆ కంపెనీ స్టాక్ ఇచ్చారు. అతను ఇంతకు ముందునుండి కొన్న ఆ కంపెనీ స్టాక్కి దీనిని జతచేసి ఆ కంపెనీ స్టాక్ అంతా అమ్మి డబ్బు చేసుకొని బ్యాంకులో వేసాడు. సరిగ్గా ఇదంతా జరిగిన మరుసటి వారంలో ఆ కంపెనీ మూసివేసారు. స్టాక్ మార్కెట్ పడిపోవడం మొదలుపెట్టింది. అందుచేత ప్రస్తుతం అతని దగ్గర పూర్తి డబ్బు పెట్టి బేంక్ లోను తెచ్చుకోకుండా ఇల్లు కొనడానికి కావలసినంత నగదు డబ్బుంది.
వాస్తు చూడకుండా ఇల్లు కొనొద్దని అమ్మ ఆదేశం. వాస్తు ప్రకారం వాస్తు గురించి వెబ్లో ఉన్నదంతా చదివాడు. తెలిసిన వాళ్ళందరి సలహాలు ఉద్దేశాలు తెలుసుకొన్నాడు. ఏది ఎక్కడ ఎలా ఉండాలో తెలుసుకున్నాడు. చాలా ఇళ్ళు చూసాడు. వాస్తు ప్రకారం ఒకటి సరిగ్గా ఉంటే మరొకటి ఉండడం లేదు. ఇంటి ఉత్తర దక్షిణ, తూర్పు పడమరలే కాకుండా ఈశాన్యం, ఆగ్నేయం, నైరుతి, వాయువ్యం కూడా అతి జాగ్రత్తగా చూస్తాడు. తనని మోసం చెయ్యాలని, ఏదో ఒక ఇల్లు అమ్మేయాలని దిక్కులు కూడా సరిగ్గా చెప్పరని దిక్చూచిని మాత్రమే నమ్ముతాడు. దిక్చూచి పెట్టి మరి చూసుకొని ఇంటి మంచి చెడ్డలు నిర్ణయిస్తాడు. ఇంటి వాస్తు బాగుంటే ఆరోగ్యం మాత్రమే కాదు. ఆస్తి, అంతస్తు, ఉద్యోగం, బిడ్డల సుఖశాంతులు అన్ని బాగుంటాయని వాదిస్తాడు. ఇతనికి ఇళ్ళు చూపించని రియల్ ఎస్టేట్ ఏజెంట్ ఆ ప్రాంతాలలో లేదంటే అతిశయోక్తి కాదు. నిజం. ప్రతీ ఇంటికి ఏదో ఒక వంక కనిపిస్తూనే ఉంది అతనికి.
అతనికి తొందరగానే ఇల్లు కొనాలని ఉంది. పూర్తి డబ్బు పెట్టి కొనే వాళ్ళు దొరకడం ఇల్లు అమ్మేవాళ్ళకి, రియల్ ఎస్టేట్ వాళ్ళకి గొప్ప అదృష్టం. కాని వాస్తు ప్రసాదు ఇప్పటిదాకా ఏ ఇంటిని కొనడానికి మాటివ్వలేదు.
ప్రభాకరం గారి ఇల్లు వాస్తు ప్రకారం ఉండే అవకాశం ఎక్కువే. ఆయన దగ్గరుండి గాలి వెల్తురు సరిగ్గా వచ్చేటట్టు, విశాలంగా ఇల్లు కట్టించుకొన్నారు. వాస్తు ప్రసాదుకి అన్ని సరిపోయేటట్టు ఉన్నాయోలేదో తెలుసుకొని మరి ఇల్లు చూపించాడు రియల్ ఎస్టేట్ ఏజెంట్. వాస్తు ప్రసాదు ఇల్లంతా దిక్చూచి పెట్టి చూసి సుమారుగా బాగానే ఉంది అనుకున్నాడు. మళ్ళీ, మళ్ళీ చూసాడు. లివింగ్ రూంలో ప్రాబ్లం ఉందని, అది సరిగ్గా తెలియడం లేదని ఒకసారి ఒకలాగా మరోసారి మరోలాగా ఉందని, లివింగ్ రూం మధ్యలో ఒక గోడ ఉండాలని, లివింగ్ రూంకి డైనింగ్ మధ్యలో ఉన్న గుమ్మం ఉండవలసిన దానికంటే ఒక మూడు అడుగులు ఎక్కువ వుందని, గోడ కట్టించడం, గుమ్మం కొట్టించడం విషయంలో మళ్ళీ మరోసారి పరిశీలించి, అమ్మ సలహా తీసుకొని ఒక నిర్ణయానికి వస్తానన్నాడు. అమ్మ మరోసారి అన్ని చెక్ చెయ్యమన్నారని రెండురోజుల తరువాత ఇల్లు చూడాలని వస్తున్నాడు వాస్తు ప్రసాదు. వాస్తుకి సరిపోయేట్టుగా ఇంటిని ఎలా చూపించడం ? ఆ ప్రశ్నతో సతమతమవుతున్న ప్రభాకరం గారికి ఎప్పుడో కిడంబి రఘునాథ్ గారు పరిచయం చేసిన నేను గుర్తు వచ్చానుట.
“వాస్తు ఒక శాస్త్రం. భారతదేశంలో పూర్వికులు దేవాలయాలనుండి ఇళ్ళ దాకా అన్ని రకాల కట్టడాలకి కావలసిన సూచనలు తెలియబరిచే శాస్త్రం. దీనిని పూర్తిగా అర్థం చేసుకొన్న వాళ్ళ సలహామీద చేస్తే మంచి ఫలితాలే వస్తాయి. కాని అన్ని రంగాలలో ఉన్నట్లే ఇందులో కూడా అన్ని రకాలవాళ్ళు ఉన్నారు.” అన్నాను ప్రభాకరం గారితో
“మీకు తెలిసిన వాస్తు చెప్పే వాళ్ళు ఎవరైనా ఉంటే చూసి వాళ్ళతో సంప్రదిస్తే” బాగుంటుంది అన్నారు ప్రభాకరం గారు.
“అలా చెయ్యెచ్చు కాని ఒకరు చెప్పిన వాస్తుని మరొకరు ఒప్పుకోకపోవచ్చు. ఒకరు చెప్పేది అందరూ ఒప్పుకొనేలా ఈ వాస్తు శాస్త్రం ఉంటే ఎంతో బాగుండేది. అన్ని ఆధునిక శాస్త్రాలలాగే. గాలి వెల్తురు విషయంలో పెద్ద బేధాలు ఉండకూడదు. కాని తమకే ఈ వాస్తు శాస్త్రం తెలిసినట్లు రకరకాల అతిచిన్న విషయాలని కూడా సరియైన అవగాహన లేక అసలు వాస్తు విలువని తగ్గించే సలహాలు ఇస్తూ దీన్ని ఒక భారతీయ ఛాదస్తంగా మారుస్తున్నారు”అన్నాను.
“అది సరేనండి కాని ఒకసారి దిక్చూచితో చూసి అంతా బావుందని మరోసారి దిక్చూచితో చూసి బాగులేదేమొ అంటే ఎలాగండి?”
“ అలా అన్నారా?”
“అవునండి మా లివింగ్ రూమ్ దివ్యం అని గోడలు గుమ్మాలు ఉండవల్సిన చోట లేవని రెండోసారి తెలిసిందంటారు.”
“మొదటిసారి సరిగ్గా ఉన్నవి రెండోసారి ఎలా మారుతాయి. దిక్చూచి చూపించడంలో ఏదో మార్పు ఉండి ఉండవచ్చు” అన్నాను.
“అదే అర్థం కావడం లేదండి” అన్నారు ప్రభాకరం గారు విచారంగా. “మీరొక్కసారి వచ్చి మా ఇల్లు చూడండి” అన్నారు అభ్యర్ధనగా.
“నాకు వాస్తు తెలియదండి” అన్నాను నిర్మొహమాటంగా.
“అమ్మమ్మ! అలా అనకండి ఒకసారి మా ఇంటికి వచ్చి చూడండి. మీ సలహా పాటిస్తాను. ఈ ఇల్లు ఎలాగైనా అమ్మించండి దయ ఉంచి” అన్నారు ప్రభాకరంగారు వేడికోలుగా.
అంత పెద్దాయన, అంతలా ప్రాధేయపడుతుంటే కాదనలేక వస్తానన్నాను. వాస్తు తెలియకపోయినా!
* * *
మర్నాడు ప్రభాకరంగారి ఇంటికి వెళ్ళాను. ఆయనకి సంగీతం అంటే అభిమానం మాత్రమే కాదు. బాగా నేర్చుకొన్నారు. ఇక్కడ సంగీతం నేర్పుతుంటారు. అమెరికాలో సంగీతం నేర్పే గురువులలో మొదటి తరానికి చెందినవారు. ఆయన అభిరుచికి అద్దంపట్టేటట్లు వారి లివింగ్ రూమ్ ఉంది. ఇంటినిండా స్పీకర్లు పూర్వం రోజులలోవి అవ్వడం వల్ల పెద్దపెద్దగా చక్కగా అమర్చిన స్పీకర్లు లివింగ్ రూమ్ కి అందం ఇస్తున్నాయి.
ఇల్లంతా చూసిన తరువాత లివింగ్ రూమ్ లో సోఫాలో కూర్చొని కాఫీ తాగుతున్నాం.
“ఏమంటారు” అన్నారు ప్రబాకరం గారు.
“ఇల్లు చాలా బావుంది. ఇది వాస్తు ప్రకారం అయినా అవకపోయినా చాలా హాయినిచ్చే ఇల్లులా అనిపిస్తుంది. కాని నేను మీకేమి సలహా చెప్పలేను” అన్నాను.
“మీరు ఏదో ఒక ఉపాయం చెప్తారని”
“ముందే చెప్పానుగా నాకు వాస్తు తెలియదని” వినయంగా అన్నాను.
“మీరు శాస్త్రజ్ఞులు” కదా అన్నారు. ఈ విషయాన్ని కొంత పరిశోధించవచ్చుగా అనే ఆలోచన ప్రతిధ్వనిస్తూ.
“వాస్తు ప్రకారం ఒకసారి బాగుండి మరోసారి బాగుండకపోవడానికి అవకాశం లేదండి”
“అదేనండి ముందుసారి బాగున్నట్లు రెండోసారి ఎందుకు బాగోలేదని” మొదటే బాగోలేదంటే సరేలే అని మరొకరికోసం ఎదురు చూసేవాళ్ళం.”
“ముందుసారికి రెండోసారికి ఏమైనా మార్పు ఉందా?” ఆయన ఆలోచనలో పడ్డారు.
“ఏమీలేదండి. ముందుసారి ఆయన వచ్చింది ఆదివారం. రెండోసారి వచ్చింది మంగళవారం. ముందుసారి వచ్చింది సాయంత్రం, రెండోసారి వచ్చింది ఉదయం.” నాకు ప్రత్యేకంగా ఆలోచించడానికి ఏమీలేక లివింగ్ రూమంతా చూస్తున్నాను. ఉన్నట్టుండి స్పీకర్ల మీద పడింది నాదృష్ఠి. నాలుగు పెద్ద పెద్దవి మరో నాలుగు చిన్నవి ఉన్నాయి. వెంటనే ఓ ఆలోచన స్ఫురించింది.
“ప్రభాకరంగారు, ఈ స్పీకర్లు ఎప్పుడూ ఒకోచోట ఉంటాయా లేక మారుస్తుంటారా?”
“కచేరి అయితే అన్ని స్పీకర్లు వాడతాం. అప్పుడు వీటిని ఈ లివింగ్ రూము అంతా చక్కగా వినిపించేటట్లు ఏర్పాటు చేస్తాం. ఏం వాటిగురించి అడుగుతున్నారు?”
నా ఆలోచనకు బలం వచ్చింది. ఒకసారి ఒకలాగ మరోసారి ఇంకోలాగా వాస్తు ప్రసాద్ కి అనిపించడం కరక్టేనని తోచింది. దానికి కారణం స్పీకర్లే అని అనిపించింది.
“మీరు ఆదివారం కచేరి చేసారా?” అన్నాను.
“అవును చేసాను మీకు ఎలా తెలిసింది?”
ఆయన సమాధానంతో నాకు చిక్కుముడి విడినట్లయింది.
“ఆదివారం ఈ స్పీకర్ల అమరిక వల్ల వాస్తు ప్రసాద్ దిక్చూచికి కోణాలు కావల్సినట్లు చూపించింది. మంగళవారం మీరు వీటిని మార్చడం వల్ల అతని దిక్చూచి కూడా మారినట్లు చూపించింది. మీరు మళ్ళీ అతను వచ్చేటప్పటికి ఆదివారం అమర్చినట్లు స్పీకర్లు అమరిస్తే అతని దిక్చూచి అతని వాస్తుకి కావల్సినట్టు చూపిస్తుంది” అన్నాను.
“అంతే అంటారా?”
“అంతే”అన్నాను నిశ్చయంగా
- - -
ఓ నాలుగు రోజుల తర్వాత ప్రభాకరం గారు ఫోనుగీను లేకుండా ఇంటికి వచ్చారు. తలుపు తియ్యగానే రెండు చేతులు పట్టుకొని “మీరు గొప్ప సహాయం చేసారు. మీరు చెప్పినట్టే ఆ స్పీకర్లను అమర్చాం. వాస్తు ప్రసాద్ వచ్చి చూసుకొంటామన్నారు. ఇవాళ వాళ్ళ లాయర్ దగ్గర నుండి కాంట్రాక్ట్ వచ్చింది. మీ గొప్ప సహాయం మరువలేను” అన్నారు.
“చాలా సంతోషం రండి కూర్చోండి.” అన్నాను ఆనందంతో. ఆయన ఆనందంతో ఏవేవో మాట్లాడారు.
“మీకు వాస్తు తెలుసు. తెలియదని చాలా వినయంగా అంటారు” అన్నారు ప్రభాకరం గారు
“నాకు నిజంగా వాస్తు తెలియదండి” అన్నాను నిజాయితీగా.
“అమ్మమ్మ! అలా అనకండి. లేకపోతే ఒక్క సలహాతో అంత సులభంగా ఈ సమస్య ఎలా తేలిపోతుంది?”
“అంతా మీ స్పీకర్ల మహత్యం”
“స్పీకర్లా? వాటికి వాస్తుకి సంబంధం ఏమిటి?”
“స్పీకర్లలో అయిస్కాంతం ఉంటుంది. అది దిక్చూచి మీద పని చేస్తుంది. వాస్తు ప్రసాద్ ముందుసారి వచ్చినపుడు వాటి ప్రభావం వల్ల దిక్చూచి ఒకలా చూపిస్తే, మరోసారి వచ్చినపుడు, మీ స్పీకర్ల స్థానం మారింది కాబట్టి మరోలా చూపించింది. అంతే! ముందుసారి ఆయనకి నచ్చినతీరులో ఉంది. మళ్ళీ అలా చూపించడానికి మీ స్పీకర్లు పాత పద్ధతిలో ఏర్పాటు చేస్తే సరిపోయింది.” అన్నాను మేజిక్ రహస్యం విప్పిచెప్పిన మాంత్రికుడిలా.
“అందుకే కిడంబి రఘునాధ్ గారు అన్నారు మీరు అభయ టెక్నాలజిస్ట్” అని , మీరు మమ్మల్ని ఈ ఆర్థిక ఇబ్బందులలో గట్టెక్కించారు.
“సంతోషం” అన్నాను కిడంబిరఘునాధ్ గార్ని తలుచుకొని.
* * *
వంద అబద్దాలు ఆడి అయినా ఒక పెళ్ళి చెయ్యమన్నారు పూర్వం. ఇటువంటి ఆర్థిక ఇబ్బందులలో వంద అబద్ధాలు ఆడి అయినా ఒక ఇల్లు అమ్మించడం అత్యాధునిక అవసరం.
‘లేదు లేదు. మీ గురించి అంతా తెలిసే ఫోన్ చేశాను. కిడంబి రఘునాథ్ గారు చాల ఏళ్ళ క్రితం మిమ్మల్ని పరిచయం చేసినప్పుడు అభయ టెక్నాలజిస్ట్ అని పరిచయం చేశారు. నాకు బాగా గుర్తు. నేను ఉన్న పరిస్థితులలో మీవంటి వారి సహాయం చాల అవసరం. దయచేసి నేను చెప్పేది వినండి.’ అని మొదలు పెట్టి ఆయన వివరంగా విషయం చెప్పేరు.
పేరు ప్రభాకరం. న్యూయార్క్ మహానగరంలోని క్యూఎంస్ లో నివాసం. వయసు అరవై ఏళ్ళు. అమెరికా ప్రెసిడెంట్ జార్జి బుష్ అవకతవక ఆర్థిక రాజకీయ విధానాలవల్ల ఏర్పడిన ఆర్థిక సంక్షోభం ఫలితంగా ఆయన పనిచేసే కంపెని మూసేసారు. పెన్షన్ డబ్బు కూడా సగానికి సగం పడిపోయింది. పిల్లలు ఎదిగినవాళ్ళే. అయితే ఇంటి మురిపెం తీరిపోయింది. వచ్చే దబ్బుతో హాయిగానే బతకవచ్చు. అందుచేత ఆయనకున్న పెద్ద ఇల్లు అమ్ముదామని కొన్ని నెలలుగా ప్రయత్నిస్తున్నారు. రియల్ ఎస్టేట్ మార్కెట్ బాగా దిగజారడం వల్ల పరిస్థితులు బాగోలేదు. ఇటువంటి పరిస్థితులల్లో పూర్తి కాష్ పెట్టి కొనే మరో ఇండియన్ మార్కెట్లో ఉన్నాడుట. అతడు వాస్తు అంటే చాల పట్టింపు ఉన్నవాడు. ఐతే ఈ ఇల్లు 30 ఏళ్ళ క్రిందట కొన్న ఇల్లు. ఆరోజుల్లో వాస్తు విషయం ఆలోచించేవారు కాదు. కానీ ఈ రోజుల్లో ఈ HI వాళ్ళల్లో చాలమంది వాస్తు చూసే కొంటారు. ఆరోజుల్లో ఇండియా అమెరికా లా ఉంటే బాగుండునని అమెరికాలో ఇండియా ఉంటే బాగుండునని అనుకొన్నాం. కాని ఇలా వాస్తు వంటివి వస్తాయని ఏనాడూ అనుకోలేదుట. నేను ఏదో ఒకలా ఆ HI కుర్రాడిని వప్పించి ఈ ఇల్లు అమ్మించి పుణ్యం కట్టుకోవాలిట. ఇదీ ఫోను సారాంశం.
* * *
నడిమింటి నాగ సత్య శివ వీర వెంకట సుందర సీతారామ రంగనాథ సంపద శ్రీనివాస ప్రసాదు సదరు HI కుర్రాడు. ఇంటి పేరు పిలవలేక ఎవరికితోచినట్టు వారు పొట్టిపేరు పెట్టి పిలుస్తుంటారు. అది ఇతనికి అలవాటే. చాంతాడు ప్రసాదు, NNSSVVSSRRSS ప్రసాదు, లాంగ్న మే ప్రసాదు టెంపుల్ ప్రసాదు ఇలా చాల పేర్లతో చలామణి అయ్యే ప్రసాదు ప్రస్తుతం ‘వాస్తు ప్రసాదు’ అయ్యేడు. గత మూడు నెలలుగా ప్రతీ రోజు ఇల్లు చూడడం, వాస్తు బాగోలేదని మానెయ్యడం అతను చేస్తున్న పని. అతనికి మరోపని లేదు. అది నిజమే, ఎందుకంటే అతనికి ఉద్యోగం లేదు. బెంచి మీద ఉన్నాడు. ఇటువంటి ఆర్థిక సంక్షోభంలో ఉద్యోగాలున్న వాళ్ళకే ఇల్లు నిలబెట్టుకోవడం కష్టమయిపోతుంటే ఉద్యోగం లేకపోయినా ఆయన ఇల్లు కొనడం ఆశ్ఛర్యమే మరి.
వాస్తు ప్రసాదు చాల చాదస్తమున్న కుటుంబంలో పుట్టెడు. అతని పేరే దానికి ఉదాహరణ. సహజంగా సంక్రమించిన చాదస్తం ప్రసాదు వయసుతో పాటుగా పెరిగింది. స్కూల్ రోజుల్లో తోటి పిల్లలు అతని ఛాదస్తాన్ని చూసి వెక్కిరించడం వల్లో లేదా సహజంగా తల్లిదండ్రుల కంటే భిన్నంగా ఆలోచించాలన్న ఉద్దేశంతోనో, తల్లిదండ్రుల ఛాదస్తమంటే చికాకు, కోపం, అసహ్యం ఏర్పడి కాలేజి రోజుల్లో కమ్యూనిష్టుగా మారాడు. పట్టుదల ఉన్నవాడు. బాగా చదువుకున్నాడు. ఇండియా ఐఐటి మద్రాసులో, అమెరికా ఐఐటి (ఇల్లినాయి ఇన్ట్సిట్యూట్ ఆఫ్ టెక్నాలజీ, చికాగోలో డిగ్రీలు సంపాదించేడు. ముప్పయి ఏళ్ళ లోపే మంచి ఉద్యోగం కూడా వచ్చింది. పెళ్లి అయింది. ఉద్యోగంలో మంచి పేరు కూడా వచ్చింది. గ్రూప్ లీడర్ అయ్యాడు. గ్రూప్ బాగా పనిచెయ్యడం వల్ల ఇతనికి పని తగ్గింది. ఒకరోజు పెళ్ళాన్ని గుడిలో దింపి బయట ఎదురు చూస్తుంటే లోపలున్న బాబాగారు పిలుస్తున్నారని ఆ బాబా గారి భక్తులొకరు వచ్చి చెప్తే ఆశ్చర్యంలో ఆలోచించకుండా వెళ్ళిన కమ్యూనిస్ట్ ప్రసాదు కళ్ళు తెరిచి మూసేలోగా బాబా భక్తుడయిపోయాడు. ఆ తరవాత ఓ అమ్మ భక్తుడయిపోయాడు. వెఁటనే అమెరికాలో అతి పెద్ద ఛాదస్తపు సమాజానికి ముఖ్య కార్యకర్త అయిపోయాడు. కల్యాణానికి కక్కు ఏ విధంగా ఫలితమో, బాబా భక్తికి ఛాదస్తం ఫలితం కాబోలు. అదే జరిగింది. కమ్యూనిష్టు ప్రసాదు తన తల్లిదండ్రుల కంటె ఛాదస్తుడిగ తయారయ్యాడు.
స్వంతంగా ఆలోచించే వ్యక్తి అసలు స్వంత ఆలోచనే లేనివాడిలా తయారయ్యేడు. ప్రతీ పని చెయ్యడానికి ముందు ఆఫీసు పని కాగానే బాబాకి ఇంటికి సంబంధించిన పనులయితే అమ్మకి తెలియబరిచి వారు చెప్పినట్టు తు.చ. తప్పక నడుచుకునేవాడు. గ్రూపు లీడర్గా తానూ తీసుకోవలసిన నిర్ణయాలలో కూడా బాబాగారి సలహాలు తీసుకోవడం వల్ల ఆఫీసులో పనిలో ఇబ్బందులు వచ్చాయి. ఇతని మారిన పనితీరు ఆఫీసులో వారందరికీ తెలిసింది. ఉద్యోగంలో నుండి తీసివేసారు. ఇంతకాలం బాగా పనిచేసినందుకు కొంత కంపెనీ స్టాక్ ఇచ్చారు. అతను ఇంతకు ముందునుండి కొన్న ఆ కంపెనీ స్టాక్కి దీనిని జతచేసి ఆ కంపెనీ స్టాక్ ఇచ్చారు. అతను ఇంతకు ముందునుండి కొన్న ఆ కంపెనీ స్టాక్కి దీనిని జతచేసి ఆ కంపెనీ స్టాక్ అంతా అమ్మి డబ్బు చేసుకొని బ్యాంకులో వేసాడు. సరిగ్గా ఇదంతా జరిగిన మరుసటి వారంలో ఆ కంపెనీ మూసివేసారు. స్టాక్ మార్కెట్ పడిపోవడం మొదలుపెట్టింది. అందుచేత ప్రస్తుతం అతని దగ్గర పూర్తి డబ్బు పెట్టి బేంక్ లోను తెచ్చుకోకుండా ఇల్లు కొనడానికి కావలసినంత నగదు డబ్బుంది.
వాస్తు చూడకుండా ఇల్లు కొనొద్దని అమ్మ ఆదేశం. వాస్తు ప్రకారం వాస్తు గురించి వెబ్లో ఉన్నదంతా చదివాడు. తెలిసిన వాళ్ళందరి సలహాలు ఉద్దేశాలు తెలుసుకొన్నాడు. ఏది ఎక్కడ ఎలా ఉండాలో తెలుసుకున్నాడు. చాలా ఇళ్ళు చూసాడు. వాస్తు ప్రకారం ఒకటి సరిగ్గా ఉంటే మరొకటి ఉండడం లేదు. ఇంటి ఉత్తర దక్షిణ, తూర్పు పడమరలే కాకుండా ఈశాన్యం, ఆగ్నేయం, నైరుతి, వాయువ్యం కూడా అతి జాగ్రత్తగా చూస్తాడు. తనని మోసం చెయ్యాలని, ఏదో ఒక ఇల్లు అమ్మేయాలని దిక్కులు కూడా సరిగ్గా చెప్పరని దిక్చూచిని మాత్రమే నమ్ముతాడు. దిక్చూచి పెట్టి మరి చూసుకొని ఇంటి మంచి చెడ్డలు నిర్ణయిస్తాడు. ఇంటి వాస్తు బాగుంటే ఆరోగ్యం మాత్రమే కాదు. ఆస్తి, అంతస్తు, ఉద్యోగం, బిడ్డల సుఖశాంతులు అన్ని బాగుంటాయని వాదిస్తాడు. ఇతనికి ఇళ్ళు చూపించని రియల్ ఎస్టేట్ ఏజెంట్ ఆ ప్రాంతాలలో లేదంటే అతిశయోక్తి కాదు. నిజం. ప్రతీ ఇంటికి ఏదో ఒక వంక కనిపిస్తూనే ఉంది అతనికి.
అతనికి తొందరగానే ఇల్లు కొనాలని ఉంది. పూర్తి డబ్బు పెట్టి కొనే వాళ్ళు దొరకడం ఇల్లు అమ్మేవాళ్ళకి, రియల్ ఎస్టేట్ వాళ్ళకి గొప్ప అదృష్టం. కాని వాస్తు ప్రసాదు ఇప్పటిదాకా ఏ ఇంటిని కొనడానికి మాటివ్వలేదు.
ప్రభాకరం గారి ఇల్లు వాస్తు ప్రకారం ఉండే అవకాశం ఎక్కువే. ఆయన దగ్గరుండి గాలి వెల్తురు సరిగ్గా వచ్చేటట్టు, విశాలంగా ఇల్లు కట్టించుకొన్నారు. వాస్తు ప్రసాదుకి అన్ని సరిపోయేటట్టు ఉన్నాయోలేదో తెలుసుకొని మరి ఇల్లు చూపించాడు రియల్ ఎస్టేట్ ఏజెంట్. వాస్తు ప్రసాదు ఇల్లంతా దిక్చూచి పెట్టి చూసి సుమారుగా బాగానే ఉంది అనుకున్నాడు. మళ్ళీ, మళ్ళీ చూసాడు. లివింగ్ రూంలో ప్రాబ్లం ఉందని, అది సరిగ్గా తెలియడం లేదని ఒకసారి ఒకలాగా మరోసారి మరోలాగా ఉందని, లివింగ్ రూం మధ్యలో ఒక గోడ ఉండాలని, లివింగ్ రూంకి డైనింగ్ మధ్యలో ఉన్న గుమ్మం ఉండవలసిన దానికంటే ఒక మూడు అడుగులు ఎక్కువ వుందని, గోడ కట్టించడం, గుమ్మం కొట్టించడం విషయంలో మళ్ళీ మరోసారి పరిశీలించి, అమ్మ సలహా తీసుకొని ఒక నిర్ణయానికి వస్తానన్నాడు. అమ్మ మరోసారి అన్ని చెక్ చెయ్యమన్నారని రెండురోజుల తరువాత ఇల్లు చూడాలని వస్తున్నాడు వాస్తు ప్రసాదు. వాస్తుకి సరిపోయేట్టుగా ఇంటిని ఎలా చూపించడం ? ఆ ప్రశ్నతో సతమతమవుతున్న ప్రభాకరం గారికి ఎప్పుడో కిడంబి రఘునాథ్ గారు పరిచయం చేసిన నేను గుర్తు వచ్చానుట.
“వాస్తు ఒక శాస్త్రం. భారతదేశంలో పూర్వికులు దేవాలయాలనుండి ఇళ్ళ దాకా అన్ని రకాల కట్టడాలకి కావలసిన సూచనలు తెలియబరిచే శాస్త్రం. దీనిని పూర్తిగా అర్థం చేసుకొన్న వాళ్ళ సలహామీద చేస్తే మంచి ఫలితాలే వస్తాయి. కాని అన్ని రంగాలలో ఉన్నట్లే ఇందులో కూడా అన్ని రకాలవాళ్ళు ఉన్నారు.” అన్నాను ప్రభాకరం గారితో
“మీకు తెలిసిన వాస్తు చెప్పే వాళ్ళు ఎవరైనా ఉంటే చూసి వాళ్ళతో సంప్రదిస్తే” బాగుంటుంది అన్నారు ప్రభాకరం గారు.
“అలా చెయ్యెచ్చు కాని ఒకరు చెప్పిన వాస్తుని మరొకరు ఒప్పుకోకపోవచ్చు. ఒకరు చెప్పేది అందరూ ఒప్పుకొనేలా ఈ వాస్తు శాస్త్రం ఉంటే ఎంతో బాగుండేది. అన్ని ఆధునిక శాస్త్రాలలాగే. గాలి వెల్తురు విషయంలో పెద్ద బేధాలు ఉండకూడదు. కాని తమకే ఈ వాస్తు శాస్త్రం తెలిసినట్లు రకరకాల అతిచిన్న విషయాలని కూడా సరియైన అవగాహన లేక అసలు వాస్తు విలువని తగ్గించే సలహాలు ఇస్తూ దీన్ని ఒక భారతీయ ఛాదస్తంగా మారుస్తున్నారు”అన్నాను.
“అది సరేనండి కాని ఒకసారి దిక్చూచితో చూసి అంతా బావుందని మరోసారి దిక్చూచితో చూసి బాగులేదేమొ అంటే ఎలాగండి?”
“ అలా అన్నారా?”
“అవునండి మా లివింగ్ రూమ్ దివ్యం అని గోడలు గుమ్మాలు ఉండవల్సిన చోట లేవని రెండోసారి తెలిసిందంటారు.”
“మొదటిసారి సరిగ్గా ఉన్నవి రెండోసారి ఎలా మారుతాయి. దిక్చూచి చూపించడంలో ఏదో మార్పు ఉండి ఉండవచ్చు” అన్నాను.
“అదే అర్థం కావడం లేదండి” అన్నారు ప్రభాకరం గారు విచారంగా. “మీరొక్కసారి వచ్చి మా ఇల్లు చూడండి” అన్నారు అభ్యర్ధనగా.
“నాకు వాస్తు తెలియదండి” అన్నాను నిర్మొహమాటంగా.
“అమ్మమ్మ! అలా అనకండి ఒకసారి మా ఇంటికి వచ్చి చూడండి. మీ సలహా పాటిస్తాను. ఈ ఇల్లు ఎలాగైనా అమ్మించండి దయ ఉంచి” అన్నారు ప్రభాకరంగారు వేడికోలుగా.
అంత పెద్దాయన, అంతలా ప్రాధేయపడుతుంటే కాదనలేక వస్తానన్నాను. వాస్తు తెలియకపోయినా!
* * *
మర్నాడు ప్రభాకరంగారి ఇంటికి వెళ్ళాను. ఆయనకి సంగీతం అంటే అభిమానం మాత్రమే కాదు. బాగా నేర్చుకొన్నారు. ఇక్కడ సంగీతం నేర్పుతుంటారు. అమెరికాలో సంగీతం నేర్పే గురువులలో మొదటి తరానికి చెందినవారు. ఆయన అభిరుచికి అద్దంపట్టేటట్లు వారి లివింగ్ రూమ్ ఉంది. ఇంటినిండా స్పీకర్లు పూర్వం రోజులలోవి అవ్వడం వల్ల పెద్దపెద్దగా చక్కగా అమర్చిన స్పీకర్లు లివింగ్ రూమ్ కి అందం ఇస్తున్నాయి.
ఇల్లంతా చూసిన తరువాత లివింగ్ రూమ్ లో సోఫాలో కూర్చొని కాఫీ తాగుతున్నాం.
“ఏమంటారు” అన్నారు ప్రబాకరం గారు.
“ఇల్లు చాలా బావుంది. ఇది వాస్తు ప్రకారం అయినా అవకపోయినా చాలా హాయినిచ్చే ఇల్లులా అనిపిస్తుంది. కాని నేను మీకేమి సలహా చెప్పలేను” అన్నాను.
“మీరు ఏదో ఒక ఉపాయం చెప్తారని”
“ముందే చెప్పానుగా నాకు వాస్తు తెలియదని” వినయంగా అన్నాను.
“మీరు శాస్త్రజ్ఞులు” కదా అన్నారు. ఈ విషయాన్ని కొంత పరిశోధించవచ్చుగా అనే ఆలోచన ప్రతిధ్వనిస్తూ.
“వాస్తు ప్రకారం ఒకసారి బాగుండి మరోసారి బాగుండకపోవడానికి అవకాశం లేదండి”
“అదేనండి ముందుసారి బాగున్నట్లు రెండోసారి ఎందుకు బాగోలేదని” మొదటే బాగోలేదంటే సరేలే అని మరొకరికోసం ఎదురు చూసేవాళ్ళం.”
“ముందుసారికి రెండోసారికి ఏమైనా మార్పు ఉందా?” ఆయన ఆలోచనలో పడ్డారు.
“ఏమీలేదండి. ముందుసారి ఆయన వచ్చింది ఆదివారం. రెండోసారి వచ్చింది మంగళవారం. ముందుసారి వచ్చింది సాయంత్రం, రెండోసారి వచ్చింది ఉదయం.” నాకు ప్రత్యేకంగా ఆలోచించడానికి ఏమీలేక లివింగ్ రూమంతా చూస్తున్నాను. ఉన్నట్టుండి స్పీకర్ల మీద పడింది నాదృష్ఠి. నాలుగు పెద్ద పెద్దవి మరో నాలుగు చిన్నవి ఉన్నాయి. వెంటనే ఓ ఆలోచన స్ఫురించింది.
“ప్రభాకరంగారు, ఈ స్పీకర్లు ఎప్పుడూ ఒకోచోట ఉంటాయా లేక మారుస్తుంటారా?”
“కచేరి అయితే అన్ని స్పీకర్లు వాడతాం. అప్పుడు వీటిని ఈ లివింగ్ రూము అంతా చక్కగా వినిపించేటట్లు ఏర్పాటు చేస్తాం. ఏం వాటిగురించి అడుగుతున్నారు?”
నా ఆలోచనకు బలం వచ్చింది. ఒకసారి ఒకలాగ మరోసారి ఇంకోలాగా వాస్తు ప్రసాద్ కి అనిపించడం కరక్టేనని తోచింది. దానికి కారణం స్పీకర్లే అని అనిపించింది.
“మీరు ఆదివారం కచేరి చేసారా?” అన్నాను.
“అవును చేసాను మీకు ఎలా తెలిసింది?”
ఆయన సమాధానంతో నాకు చిక్కుముడి విడినట్లయింది.
“ఆదివారం ఈ స్పీకర్ల అమరిక వల్ల వాస్తు ప్రసాద్ దిక్చూచికి కోణాలు కావల్సినట్లు చూపించింది. మంగళవారం మీరు వీటిని మార్చడం వల్ల అతని దిక్చూచి కూడా మారినట్లు చూపించింది. మీరు మళ్ళీ అతను వచ్చేటప్పటికి ఆదివారం అమర్చినట్లు స్పీకర్లు అమరిస్తే అతని దిక్చూచి అతని వాస్తుకి కావల్సినట్టు చూపిస్తుంది” అన్నాను.
“అంతే అంటారా?”
“అంతే”అన్నాను నిశ్చయంగా
- - -
ఓ నాలుగు రోజుల తర్వాత ప్రభాకరం గారు ఫోనుగీను లేకుండా ఇంటికి వచ్చారు. తలుపు తియ్యగానే రెండు చేతులు పట్టుకొని “మీరు గొప్ప సహాయం చేసారు. మీరు చెప్పినట్టే ఆ స్పీకర్లను అమర్చాం. వాస్తు ప్రసాద్ వచ్చి చూసుకొంటామన్నారు. ఇవాళ వాళ్ళ లాయర్ దగ్గర నుండి కాంట్రాక్ట్ వచ్చింది. మీ గొప్ప సహాయం మరువలేను” అన్నారు.
“చాలా సంతోషం రండి కూర్చోండి.” అన్నాను ఆనందంతో. ఆయన ఆనందంతో ఏవేవో మాట్లాడారు.
“మీకు వాస్తు తెలుసు. తెలియదని చాలా వినయంగా అంటారు” అన్నారు ప్రభాకరం గారు
“నాకు నిజంగా వాస్తు తెలియదండి” అన్నాను నిజాయితీగా.
“అమ్మమ్మ! అలా అనకండి. లేకపోతే ఒక్క సలహాతో అంత సులభంగా ఈ సమస్య ఎలా తేలిపోతుంది?”
“అంతా మీ స్పీకర్ల మహత్యం”
“స్పీకర్లా? వాటికి వాస్తుకి సంబంధం ఏమిటి?”
“స్పీకర్లలో అయిస్కాంతం ఉంటుంది. అది దిక్చూచి మీద పని చేస్తుంది. వాస్తు ప్రసాద్ ముందుసారి వచ్చినపుడు వాటి ప్రభావం వల్ల దిక్చూచి ఒకలా చూపిస్తే, మరోసారి వచ్చినపుడు, మీ స్పీకర్ల స్థానం మారింది కాబట్టి మరోలా చూపించింది. అంతే! ముందుసారి ఆయనకి నచ్చినతీరులో ఉంది. మళ్ళీ అలా చూపించడానికి మీ స్పీకర్లు పాత పద్ధతిలో ఏర్పాటు చేస్తే సరిపోయింది.” అన్నాను మేజిక్ రహస్యం విప్పిచెప్పిన మాంత్రికుడిలా.
“అందుకే కిడంబి రఘునాధ్ గారు అన్నారు మీరు అభయ టెక్నాలజిస్ట్” అని , మీరు మమ్మల్ని ఈ ఆర్థిక ఇబ్బందులలో గట్టెక్కించారు.
“సంతోషం” అన్నాను కిడంబిరఘునాధ్ గార్ని తలుచుకొని.
* * *
వంద అబద్దాలు ఆడి అయినా ఒక పెళ్ళి చెయ్యమన్నారు పూర్వం. ఇటువంటి ఆర్థిక ఇబ్బందులలో వంద అబద్ధాలు ఆడి అయినా ఒక ఇల్లు అమ్మించడం అత్యాధునిక అవసరం.
0 వ్యాఖ్యలు:
Post a Comment